Les mamies cantent el ducasse

merci à Annie et Jean Claude Dedourges pour ces vidéos

        Din ch'quartier y'a un drole d'air qui flotte
Din ch'coron cha sin si bon l'bouillon
Ech'lapin y mijote din s'cocotte
L'tarte à chuc al lève sous sin torchon

Les infants sont biaux comme des soléles
L'mére al met du rouge à ses orteles
Su l'pick up un a mis Verchuren
Ch t'année y a fait une bien belle canchon

Ché l'ducasse à Henin
Tout l'famille est in goguette
Les infants cantent à tue tête
L'air du capio tyrolien

Ché l'ducasse à Henin
Msieu l'maire y a sorti s'n'echarpe
El l'fanfare qui ju din ch'parc
Va rameuter tout ché gins

Su l'grand place les tiots courent aux manéges
Les familles al'sont v'nues in cortèche
Ech'père y va tirer du nougat
El mére à s'paye une barbe à papa

C'soir quand y zauront couché ché zinfants
Y ziront danser au bal volant
Aprés y mingeront un'bonne frites moules
Tous pompettes y's'diront des cacoules

Ché l'ducasse à Henin
Tout l'famille est in goguette
Les infants cantent à tue tête
L'air du capio tyrolien

Ché l'ducasse à Henin
Msieu l'maire y a sorti s'n'echarpe
El l'fanfare qui ju din ch'parc
Va rameuter tout ché gins

Va rameuter tout ché gins

Va rameuter tout ché gins