La chorale des mamies de la Cité Darcy


   

 

 Ichi aussi in a not' chorale, et pas n'importe laquelle, que des mamies de soixante à quatre vingt deux ans,bien connu à Henin ainsi que dins ches villes invironantes.
In les vot canter in patois sur des airs connus, mais sur des textes différents écrit par Annie Dedourges,eun' aute mamie de l'cité.
un grand merci à Jean Claude pour l'vidéo.
j'vous met in d'ssous ches 4 textes de canchons de l'video.


 premier texte
Annie62110
elle a s'léve toudi à quatre heures
pour y faire cauffer sin café
al prépare sin briquet din s'musette
eune paire ed toiles bleues rapiéchées
au fond d'sin béguin al a mis un tiotbout d'chocolat
al sait qu'y'aime bien cha
al l'imbrasse al y sert sin cache nez y s'in va!!
al prepare sin baton sin caudron
din s'lessiveuse ch'linge y sin bon
al fait s'lessive pour oublier
y a dix ans qui se sont mariés
zont deux biaux zinfants qui sont nés
tous les jours al peut pas s'impécher
d'pinser qui travalle sous ses pieds
din quequ'zheures al l'intindra chiffler din ch'coron
al y servira eune bonne assiette ed ragout d'mouton
elle ché l'femme de ch'mineur,sin réve ed pi toujours
ché qui r'monte au jour
et pourtant al sourit tous les jours
ché pour é s'n'homme pour sin grand amour!!


deuxième texte
les vacances de Annie DP

Din ch'coron à l'heure et d'l'armonte
El mineur va rintrer à s'maison
Et s'femme al a preparé sin chaudron
Faut qui dire y est plus noir que sin carbon
Apres il ira din sin gardin
Ou bien coper d'l'herbe à ses lapins
I zin mingeront pt'etre un dimanche prochain
Avec des prones et des rozins
Mais li c'qui voudro
Ché aller in vacances
Deux ans qu'y est inscrit
Pas tiré y a pas d'chance
Pourtant y'aimero bien décrasser ses poumons
Aller au bon'air et vivreaut' cos que sin charbon
Mais in intindant faut qui tire d's'musette
El belle grosse raccourche un bout d'pain d'alouette
Peut'ete bien que d'main el sort y s'ra pour li
El mineur y est triste à coté d'sin terril
Mais soudain vla s'femme qu'al arrive
Ma parole al a l'air enervée
Din ses mains al alote un bout d'papier
Ch' coup chi ché sur y zont été tirés
Alors y a comme eine invie d'braire
Y'est contin y's'sin comme un gamin
Y sin va vite el dire a sin voisin
Ché l'premier coup qui prin l'train
Eh ch'coup chi cha y est
Les voila tous partis
Gais comme des pinsons cha cante et pi cha rit
Sont tellemin joyeux qui zintonnent "viens Poupoule"
Ech coup chi cha y est papa y vas à La Napoule
De tout l'reste de s'vie y oubliera jamais cha
In si bio voyache y zetotent comme des rois
Incore aujourd'hui il y pinsero tout ravi
Mais l'mineur y dort à coté d'sin terril

 

troisième texte

les gaillettes de Annie Dedourges-Pailliot


Din l'cité quand l'hiver s'installe
Qu'y a bien neigé sur chez maisons
Ech'mineur sais quand y dévalle
Que ta'l'heure y r'montera du fond
Un gros caillo noir et luisant
Et même si cha pèse sur s'n'épaule
I sait bien qu'in rintrant d'l'école
Ses infants s'recaufront in riant
Tout l'temps qu'in aura des gaillettes
I va faire caud din nos maisons
Tout l'temps qu'in aura des gaillettes
El'bouilloire al cantera s'canchon
In pourra faire griller ch'café
Et cha sintira tellemin bon
Qu'in'in tournera vite un moulin
In fra n'tasse à chez voisins
Quand ch'carrieu d'carbon y nous livre
In'a vite fait d'mettre ed'côté
Les plus gros morciaux les plus biaux
In les mets in tas bien ringés
Comme cha quand y's'met à faire fro
In va vite un caire n'pallée
Cha cuit not'soup et not'fricot
Cha cauffe même nos fers à r'passer
Tout l'temps qu'in aura des gaillettes
Y va faire caud din nos maisons
Tout l'temps qu'in aura des gaillettes
El bouilloire al cantera s'canchon
In pourra faire griller ch'café
Et cha sintira tellemin bon
qu'in'in tourn'ra vite un moulin
In f'ra n'tasse à chez voisins


quatrième texte

 
al l'ont cantée sur l'air de "qué sera sera "sur des paroles d'annie!!

nous in a ker tino rossi
patrick bruel,la star academy
nos tiots zinfants y sont tous ravis
grand'mére al cante toudi

refrain
in cante in cant'ra
chti qu'y'est pas contin l'dira
mais nous in cant'ra toudi
canter ché not'vie !!

in cante ,ouais mais in danse aussi
in léffe nos gambettes,cha nous rajeunies
din not'quartier,ché nous les mamies
in vient dé l'cité darcy

refrain

not coin ché not maison d'quartier
nos vieux corons,l'église st Henri
ché la qu'un jour in a fait not'vie
ché si bien qu'in y'est toudi

refrain



24/11/2007
4 Poster un commentaire

A découvrir aussi


Inscrivez-vous au site

Soyez prévenu par email des prochaines mises à jour

Rejoignez les 796 autres membres

Referencement
Recommander ce site | Contact | Signaler un contenu | RSS | Hébergé chez Blog4ever | Espace de gestion