La dernière ducasse

 

C'est en 1963 qu'un groupe d'hommes et de femmes créa un comité pour animer la cité et donna le nom de:
La commune libre de la cité DARCY
et c'est au mois d'Aout de cette année qu'eu lieu la première ducasse
qui durant 27 années apporta une ambiance de fête familiale pour se terminer en 1990


Dins m'cité tous les ans vers l'quinze aout i avot l'ducasse, qui durot cinq jours, tout l'monde i l'intindot, oh! i avot pas grand quose, un tiot manège d'autos, un manège d'avions, et eun' chenille, un tir à l'carabine, eun' lot'rie, et eun' barraque à nougats, ch'comité ch'étot rien qu'des mineurs, des gins de l'cité. I avotes récupéré un vieux barraqu'mint, ch'étot l'restaurant un i minjot des bonnes frite moules, et i avotes récupéré l'ancienne guinguette de biache St Vaast et i l'avotes armonté à coté de ch'barraqu'mint, et chétot ch'bal, et cha a duré plus trente ans, jusqu'au jour qui zont du fermer ch'barraqu'mint et ch'bal pour cause de sécurité. Et la pu ducasse, et ch'président i sapp'lot ANICET COPIN, i n'est mort l'année d'après, j'ai écrit sin nom un grand, parce que ch'étot eun' personne bien.

Tous les jours i avot eun' sait quoi,
l'vendredi ch'étot l'élection de ch'maire, l'sam'di, l'réveil in fanfare, l'diminche l'défilé d'majorettes, lundi réception des anciens, etl'mardi l'interr'mint de l'ducasse, tout l'monde i s'déguisot, et i avotes fait un mannequin rimplit d'paille, et un sprom'not din tout l'cité in cantant, et in dinchant, et après avoir fait l'tour in brulot ch'mannequin in plein milieu de l'ducasse, qu'est ce qu'à ça bien amusé!
et avec chés bénéfices de l'ducasse, à Noël i distribuotes eun' coquille, eun' orange, et eun' boite d'chocolats à chaque infant de l'cité, et mint'nint i n'a pu rien, et l'cité, elle est bien triste.

 



07/03/2007
10 Poster un commentaire

A découvrir aussi


Inscrivez-vous au site

Soyez prévenu par email des prochaines mises à jour

Rejoignez les 858 autres membres

Referencement
Recommander ce site | Contact | Signaler un contenu | Confidentialité | RSS | Hébergé chez Blog4ever | Espace de gestion