videos chti.c.la

videos chti.c.la

Prière à Sainn' Barpe

 

Prière à Sainn' Barpe

 

Ch'est eun' bin vieil' prièr' qui dat' du moïen âche, 
Eq ches gins récitot't pindant ches gros craches. 
Tous insann', réunis autour dé l'quéminée, 
l'z implorot't leu Sainte ed bin les protéger. 


Sainn' Barpe, Sainn' fleur, el couronne ed nou Seigneur,

Quand ech tonnerr' querra, Sainn' Barpe nous gardera. 


Quand l'grond'mint dé ch'tonnerr' faijot peur à ches tchiens,

Quand !'ciel in colère. menaçot ches pauf's gins, 
Ches granches ed foin rimplies et aussi ches chaumières,

Ch'étot vers ell' toudis eq montot chel prière : 


Sainn' Barpe, Sainn' fleur, el couronne ed nou Seigneur,

Quand ch'fu du ciel querra, Sainn' Barpe nous protég'ra. 


D'ù qu'y avot du danger, dé ch'fu al protégeot. 
Et pour bin l'armercier, ed l'égliche in l'sortot. 
Dins ch'villache in l'prom'not ... ches gins l'avot't si quér.

Eq ch'est in procession qu'i l'suivot't in prières.

 

Sainn' Barpe, Sainn' fleur, el couronne ed nou Seigneur,

Acoute bin nou prières, protège bin nou chaumières. 


Dins ches instrall's dé l'tierre, ein' fos ch'carbon treuvé, 
Quand ch'grisou in colère menaçot d'ses dingers, 
Ches mineurs i-ont fait d'elle, leu patronn' bin aimée. 
L'ont déchindue au fond, qu'ai peuch' les protéger. 


Sainn' Barpe, Sainn' fleur, el couronne ed nou Seigneur,

Quand ch'grisou explos'ra, Sainn' Barpe nou protég'ra. 


Quand ch'mineur déchindot au fond pour li ouvrer, 
Es femme éndins s'mason, vit' s'mettot à prier. 
S'adressot à l'tiote sainn' patronne ed sin mineur 
Pour protéger es'n homme, dijot avec ferveur : 


Sainn' Barpe, Sainn' fleur, el couronne ed nou Seigneur,

Quand ch'danger viendra, Sainn' Barpe al mé l'gard'ra. 


A travers chett' prièr', Sainn' Barp' vivra toudis, 
Achteur qu'i n'y a pu d'fosses, y a gramin d'chomeurs. 
Aussi in s'fera ein d'voir d'l'apprinte à nou pétits 
Pour avoir ed l'espoir, i diront tous in cœur :  .

 

Sainn' Barpe, Sainn' fleur, el couronne ed nou Seigneur,

Ed ches orach's dé i'vie, protège nous taudis ... 

 

Marie Doué Cabre 
Vermelles (62) 



03/12/2023
1 Poster un commentaire

A découvrir aussi


Inscrivez-vous au blog

Soyez prévenu par email des prochaines mises à jour

Rejoignez les 1039 autres membres