Eun' tartine ed saindoux "Jacques LEROUX"

Ein' tartine ed saindoux
J'me rappèle que pour briquet
Em' mère méttot du beurre
D'sus ein' pile ed tartines dréchée
A' y méttot tout sin coeur.


Mais chu qui li plaisot l'plu
Ch'étot d'graisser sin pain ed saindoux
Ein' zic ed poiv', ee d'sé edsu
Li faijotent ein plaisi fou ...


Quand ein' coupe d'heures pu tard
I arvenot l'figure toute noire
I tarfouillot dins s'musette
Cachant du pain d'alouette ...


Meilleux èq' du gatiau
Pu savoureux qu'dé l'brioche
Ech pain du fond dé ch'tro,
Ch'étot pour nous ses gosses ...


Asteur Pa, t'es pu là
Et' musette, res'tra ahoquée
A ein clo, quéque part par là
Ches fosses, al'z ont freumé.


Alors quind ej minge du saindoux
Tout ému, j'arpinse à ti
A cheux aussi qui sont restés dins ch'trou,
Et cheux qui z'y ont ruiné lu vie ...

Jacques LEROUX



24/03/2012
2 Poster un commentaire

A découvrir aussi


Inscrivez-vous au site

Soyez prévenu par email des prochaines mises à jour

Rejoignez les 791 autres membres

Referencement
Recommander ce site | Contact | Signaler un contenu | RSS | Hébergé chez Blog4ever | Espace de gestion