videos chti.c.la

videos chti.c.la
AccueilCoin des Artistes
BONNES RESOLUTIONS POU L'ANNEE
bacouet annie

34 messages
0 appréciations
Hors-ligne
0 | | 4 janvier 2022
Ch'est eine nouvelle année qui c'minche, in est tout plein d'bonnes résolutions.

J'as ête présinte aveuc ceusses qui m'ont quère         J'vas aussi ête pusse à l'écoute ed' z'eutes


J'vas printe el timps dé m'poser pou raviser autour ed mi.    J'vas essayer d'croire à un monde meilleu d'paix , d'amour

J'vas daller vir pus souvint m'famile, mes amis      J'vas pardonner à ceusses qui m'font du maux, infin pas tertous

J'vas m'armette à l'marche et au sport, si j'ai l'timps, j'vas arniettier dins m'tiête et dins min corps, pas facil cha!

J'vas passer du timps aveuc m'n'homme et min quien, putôt min quien, j'in passe déjà d'treup aveuc m'n'homme

J'vas toudis printe el timps d'basioter min tiot bradé, si y'a core l'timps dé v'nir m'vir.

J'vas essayer d'perte eine paire ed gramme, minger sain'mint, ouais!

J'vas surtout continuer à promotionné par tous les moyens note belle lanque el rouchi ou l'picard, no patois dé ch'nord, l'faire apprécier su les ondes, su les planques, dins les églisses, infin tout partout. Vir mes amis patoisants

J'vas essayer dé n'point imbêter personne ou presque, jé m'f'rai toute tiote, f'rai c'qué j'peux!

J'vas surtout warder l'sinté qui m'resse et m'bonne humeur! J'vas ête gintille aveuc presque tout l'monte

J'vas zapper tous les futilités et les bernioulles ed tous les sortes

JJ'vas rester positife, éviter d'braire, rigoler tout l'année aveuc ceusses qué j'ai quère.

Jé n'vas pus torténer pou des brins d'quien ni des mesquin'ries, j'vas pus marmonner dins mes dints!...

J'vas pus d'minder à Dédé d'arlaver l'vaisselle, pace qué cha n'sert à rin, j'y d'minde d'jà d'pus trop longtimps

J'vas ête docile, calme, adorape, mais cha jé l'sus d'jà d'pus toudis, cha n'cing'ra point.

J'vas continuer à aimer mon prochain et mînme ch'ti qui est d'jà là. J'vas essayer dé m'taire un tiot peu!

J'armercie tout ceusses qui vient'ent à mes spectaques, j'espère l'z'arvir bientôt et qu'in s'ra libéré dé ch"covid

Bon j'vas m'arrêter là, jé n'sais point si j'arriv'rai à ténir tout cha, o bin su plusieurs années, j'f'rai d'min mieux, j'vous tiendrai au courant mes gins

EINE BONNE ANNEE ET LA SANTE A TERTOUS                 IN VOUS ARMERCIE EINE MASSE

                                                                                ANNIE LA CH'TI
roger

111 messages
5 appréciations
Hors-ligne
0 | | 7 janvier 2022
Bonjour Annie
Merci pour ces belles résolutions
Une bonne Année à toi aussi.
Vous ne disposez pas des permissions nécessaires pour répondre à un sujet de la catégorie Coin des Artistes.
⨯

Inscrivez-vous au blog

Soyez prévenu par email des prochaines mises à jour

Rejoignez les 1044 autres membres